عجز الميزانية!!!التضخم الاقتصادي!!زيادة
المرتبات؟؟الضرورات تبيح المحضورات!!الضرورات تبيح اي مليون الف طريقة لاخد الفلوس
منكم يارمم..ماهو لازم الكبير يتضبط عشان يضبطكوا معه يابلد بقر؟اه يا بلد بقر مش عارفين
فين مصلحتكم؟ده اللي بنسمعوا اليومين ديل!!؟؟؟؟؟
في الزمن الغابر ده والمليان فتن ومصائب أصبح حكام
الدول العربية شغلهم الشاغل الفلوس...الاموال؟؟؟بقى الواحد فيهم لما يصل السلطة
ومش بالساهل بسيبها ببقى زي الضباع بتاكل فريستا وهي حية!!!وبعد ده كله مابتشبع
بتفتش ع فريسة تانية..وبكدة نقدر نقول لاصحاب البرامج الوثائقية ف ناشونال
جيوغرافك مايتعبوا عشان ياخدوا اللقطة اللي تعبانين فيها ايام وليالي..نحن عندنا
الضباع دي بمختلف الاشكال والالوان..ومتوفرين بكثرة وف اي وقت انتو عاوزين تصوروا
فيه!!!سلسلة جديدة لوثائقي الحياة البرية..لحكام الدول العربية!!!!!
الواحد منهم بدل ما يكون شعبه هو همه..كيف يراعي
مصالح الرعية..كيف ينهض بالبلد ويتقدم بيها للامام..سبيك من الكلام ده...ده كلام
فارغ!!!
الواحد منهم لما يصل السلطة ببقى همه الوحيد كيف
يبني امبراطوريته؟؟!!؟كيف يلهف الاموال من كل حته؟!!كيف يخلي ارصدته ف البنوك(مش
بنك واحد حتى) خزنة العم ذهب!!!!
ايواه؟؟العم ذهب؟؟ليه ماشفته زي العابدين بن
علي..انا كان نفسي اشيل طقم واحد من الطقوم حقت الهانم؟؟؟ماعلينا!!
وثروة الشيخ فلان 90 مليار دولار..ثروة اوباما
كم؟؟؟؟؟؟ما عاوزين مشاكل:)
ومعمر القذافي زعيم الثورة الليبية ب 82 مليار
دولار؟... مش قلت ليكم عم ذهب...
واللسته طوووووووووووووووووووووول ..وبكدة
وبملياراتهم دي عدوا واغلطوا!!!عقارات وعمارات واسهم ف شركات العربات وسلاسل
الفنادق ...حتى ف دول عربية حكامها بنوا بلد تانية عشان يقضوا فيها الصيف
ويستمتعوا...ياعيني بستجموا ياعيني!!!
واللي يقهر ويزعل اكتر انه ما جاءت بس ع اموالهم
اللي ف البنوك اللي برضوا حقت الشعب لا حتى خيرات البلد برا؟؟؟نفط وزراعة ومعادن
ويورانيوم واللي واللي!!!!وطبعا ده بيرجع لسياستهم الخارجية مع الغرب..بالعربي مع
اميركا واسرائيل..حبايبنا!!يازين ما اخترنا؟؟؟
الحكام العرب اختاروا من البداية انهم يكونوا
عملاء لدول الغربية عشان يخدموا مصالحهم فقط وليس مصالح الرعية..يعني امريكا تسرق
خيرنا ونفطنا وكله بسبب حبايبنا الحكام..يعني امريكا تضبطكم وتبني ف البلد
والشوارع والمطاعم والعقارات بس بشرط..تكونوا عملاء!!!والمفاجأة..تقعدوا ف كراسي
الحكم للابد..زي ما قالوا اخوانا المصريين ايام الثورة.."رابطة نجاري مصر
يسألون الاسطى مبارك: مانوع الغراء الذي تستخدمه"!!
طيب وحق الشعب مشى وين؟؟؟وبقينا دول عالم ثالث
بسبب اعمام ذهب ديل؟؟!!؟
طيب متين ضباع البراري دي حتشبع..والمشكلة الواحد اذا لصق ف
الكرسي تاني شنو اللي بنزلوا!!!يبقى الثورة!!!بفلوسهم وفلوس النفط وغيره دي كان
الحال حيتصلح..كم مستشفى حيتبني..كم من فقير وعاطل عن العمل حيلقى دعم من الحكومة
عشان توفير فرص عمل ليه..كم مدرسة حتتبني عشان الامية تتمحي من مجتمعاتنا..في
مخترعين عرب مابنسمع عنهم حتى تخيلوا معاي بالاموال دي لو اتبنت مراكز البحث
العلمي وطورت المشاريع العلمية مش كان هيبقى عز لينا وتقدم وفايدة تعم العالم
كله..لو بالاموال دي الحكومات تدعم قطاع الانتاج عشان نفسي ونفس كل الشعوب العربية
نعكس الاية ويبقى العالم العربي منتج بصدر لبرا ومنتجاته صناعية ولا زراعية بتنافس
سوق العمل برا و فنفس الوقت مستهلك..نصلح العبارة الاخيرة دي هو اصلا بصدرعن
طريقة السرقة!!!!
الصعب فيه شنو..ليه كل حاكم مابفكر ف مصلحة بلده
قبل مصلحته..ليه بيبني امبراطوريته فوق جثث الشعوب بالقهر والظلم والاستبداد
والاستعباد..نحن عاوزين كريستيان فولف هنا برضو..ايواه!كرستيان فولف..السنة
اللي فاتت استقال كريستيان فولف رئيس المانيا لانه المدعي العام
وجه ليه تهم بالانتفاع من منصبه و طالب برفع الحصانة عن فولف ده بس بسسب تقارير
إعلامية عن علاقاته بمستثمرين أثرياء وانه اتلقى منهم قروض مخفضة عشان يبني بيت
ولا مصالح تانية الله اعلم بيها..!!!
وف النهاية احب اختتم كلامي الطويل ده بمقولة
للامام محمد بن الحسن القصاب : رأيت الذئاب تٌرعى مع غنم البادية في خلافة عمر بن
عبد العزيز فقلت : سبحان الله ذئب مع غنم لا يضرها ؟ فقال الراعي : إذا صلح
الرأس فليس على الجسد بأس...
